एसपीडीएम महाविद्यालयात रसायनशास्त्र विभागातर्फे विद्यार्थ्यांसाठी एक दिवसीय ई-लर्निंग कार्यशाळा संपन्न

शिरपूर येथील एस.पी.डी.एम. महाविद्यालयाच्या रसायनशास्त्र विभागातर्फे राष्ट्रीय स्तरावर विद्यार्थ्यांसाठी  एक दिवसीय ई लर्निंग कार्यशाळा रविवारी दि.१६ ऑगस्ट २०२० रोजी घेण्यात आली. महाविद्यालयाचे प्राचार्य डॉ.एस. एन.पटेल यांच्या अध्यक्षतेखाली तसेच डॉ.एम.के.पटेल, उपप्राचार्य पीएसजीव्हीपीएम कॉलेज, शहादा यांच्या प्रमुख उपस्थितीत कार्यशाळेचे उदघाटन झाले.

कोरोना महामारी काळात अशा प्रकारच्या वेगवेगळ्या कार्यशाळा, वेबीनार चे आयोजन करून विद्यार्थ्यांना व पालकांना धीर देण्याचे काम एसपीडीएम महाविद्यालयाने केले असे असे मत डॉ.एम.के.पटेल यांनी मांडले. ऑनलाईन टीचिंग करत असतांना विद्यार्थ्यांना कुठलीही अडचण येणार नाही असा विश्वास प्राचार्य डॉ.एस.एन.पटेल यांनी व्यक्त केला.

कार्यक्रमाचे समन्वयक व प्रमुख वक्ते प्रा.लखन चौधरी यांनी गुगल क्लासरूमसाठी मोबाईलचा प्रभावीपणे वापर कसा करावा या बद्दल सखोल मार्गदर्शन केले. देश पातळीवर ३३०० च्यावर विद्यार्थ्यांनी कार्यशाळेस झूम व यूट्युब च्या माध्यमातून सहभाग नोंदवला. कार्यक्रमाचे प्रास्ताविक प्रा.एस.पी.महिरे यांनी केले. कार्यक्रमाचे सुत्रसंचलन प्रा.परेश पाटील यांनी केले, तर डॉ.संदीप चौधरी यांनी आभार मानले.  

कार्यक्रमास उपप्राचार्य प्रा.डी.बी.पाटील, उपप्राचार्य डॉ.एम.व्ही.पाटील, आयक्युएसी समन्वयक प्रा.डॉ.दिनेश भक्कड, प्रा.संदीप सोलंकी , प्रा.किशोर राजपूत, प्रा.व्ही बी.महाले, प्रा.डी.बी.सोनवणे, डॉ.शरद पाटील तसेच श्री.भुषण कुवर आदीचे सहकार्य लाभले.

एसपीडीएम महाविद्यालयात आत्मनिर्भर भारत या विषयावर राष्ट्रीय वेबिनार संपन्न

किसान विद्या प्रसारक संस्थेच्या एसपीडीएम कला, वाणिज्य आणि विज्ञान महाविद्यालय शिरपूर च्या पदव्युत्तर वाणिज्य विभागातर्फे स्वातंत्र दिनानिमित्त दि.१५ ऑगस्ट २०२० रोजी आत्मनिर्भर भारत या विषयावर राष्ट्रीय वेबिनार घेण्यात आला. या वेबिनार साठी उद्याटक म्हणून प्राचार्य डॉ.पी.पी.छाजेड, प्रभारी अधिष्ठाता, वाणिज्य व व्यवस्थापन विद्याशाखा, कबचौ उत्तर महाराष्ट्र विद्यापीठ, जळगाव तसेच प्रमुख वक्ते म्हणून डॉ.ए.जी.सोनवणे, उपप्राचार्य, आर.सी.पटेल कला वाणिज्य व विज्ञान महाविद्यालय, शिरपूर हे लाभले. कार्यक्रमाच्या अध्यक्षस्थानी प्राचार्य डॉ.एस.एन.पटेल उपस्थित होते.

प्राचार्य डॉ.पी.पी.छाजेड यांनी वेबीनार चे उद्घाटन करत 'आत्मनिर्भर भारत अभियानांतर्गत शेती, उद्योग, रोजगार, गृहनिर्माण, संरक्षण आणि बँका या सर्व क्षेत्रांना स्पर्श झाल्याचे सांगितले'. या आत्मनिर्भर योजनांचा परिणाम तत्काळ जाणवणार नाही, परंतु कामगार व शेतमजुरांसाठी केलेल्या विविध तरतुदीमुळे त्यांचे जीवनमान सुखकर होण्यास मदत होईल असे सांगितले.

प्रमुख वक्ते प्रा.डॉ.ए.जी.सोनवणे यांनी आत्मनिर्भर भारत योजनेची सविस्तर माहिती विशद केली. यात १२ मे २०२० रोजी माननीय पंतप्रधान नरेंद्रजी मोदी यांनी केलेल्या भाषणाचा सविस्तर आढावा घेतला. त्याचप्रकारे केंद्रीय अर्थमंत्री निर्मला सीतारमण यांनी १३ ते १७ मे २०२० या पाच दिवसात घोषित केलेल्या वेगवेगळ्या तरतुदींवर विवेचन केले व आत्मनिर्भर भारत योजनेमधील क्षेत्रनिहाय केलेल्या खर्चाच्या तरतुदींचे विश्लेषण केले. 

त्याचबरोबर डॉ. सोनवणे यांनी आत्मनिर्भर अभियान हे कोरोना सारख्या भीषण परिस्थितीत भारतीय अर्थव्यवस्थेला गती देण्याचे काम करेल असे प्रतिपादित केले.

अध्यक्षीय मनोगत व्यक्त करताना, प्राचार्य डॉ.एस.एन.पटेल यांनी आत्मनिर्भर भारत अभियान सुदृढ अर्थव्यवस्थेसाठी आशेचा किरण असून भविष्यात भारत जगाला दिशा देईल असे स्पष्ट केले. 

वेबिनार चे सूत्रसंचालन समन्वयक प्रा.डॉ.दिनेश भक्कड यांनी केले, तर आभार प्रा.आर.एस.पावरा यांनी मानले. या वेबीनार मध्ये राष्ट्रीय स्तरावरील सुमारे ७००च्या वर प्राध्यापक, संशोधक व विद्यार्थ्यांनी सहभाग नोंदविला. वेबिनार च्या यशस्वीतेसाठी प्राचार्य डॉ.एस.एन.पटेल, उपप्राचार्य प्रा.डी.बी.पाटील व डॉ.एम.व्ही.पाटील, आयक्युएसी समन्वयक डॉ.दिनेश भक्कड तसेच आयोजन समिती सचिव प्रा.आर.एस.पावरा यांनी काम केले.

एसपीडीएमचे प्रा.संदिप चौधरी यांना पीएचडी

शिरपूर येथील एसपीडीेएम महाविद्यालयातील रसायनशास्त्र विभागातील सहाय्यक प्राध्यापक संदिप बी.चौधरी यांनी कबचौ उत्तर महाराष्ट्र विद्यापीठ, जळगाव अंतर्गत रसायनशास्त्र विषयात पीएचडी पदवी संपादन केली आहे.

प्रा.संदिप चौधरी यांनी “SYNTHESIS, CHARACTERIZATION AND BIOLOGICAL EVALUATION OF PYRAZOLES FROM CYCLIC IMIDES” याविषयावर संशोधन केले, त्यांना दोंडाईचा येथील रावल महाविद्यालय चे प्राध्यापक डॉ.एस.एस.राजपूत यांचे मार्गदर्शन लाभले, तसेच एसपीडीएम महाविद्यालयांतील प्राचार्य डॉ.एस.एन.पटेल यांनी सहाय्यक मार्गदर्शक म्हणून मार्गदर्शन केले.

प्रा.चौधरी यांना केव्हीपी संस्थेचे अध्यक्ष व जिल्हा परिषद अध्यक्ष डॉ.तुषार रंधे, सचिव नानासाहेब निशांत रंधे, खजिनदार मा.आशाताई रंधे, विश्वस्त रोहित रंधे, सर्व विश्वस्त मंडळ, महाविद्यालयाचे प्राचार्य डॉ.एस.एन.पटेल, उपप्राचार्य प्रा.डी.बी.पाटील, उपप्राचार्य डॉ.एम.व्ही.पाटील, आयक्यूएसी समन्वयक डॉ.दिनेश भक्कड तसेच सर्व शिक्षक व शिक्षकेतर कर्मचारी यांनी शुभेच्छा दिल्या.

डॉ.भदाणे यांच्या संशोधन प्रकल्पास कॉपीराइट मंजूर

शिरपूर येथील किसान विद्या प्रसारक संस्थेच्या एसपीडीेएम महाविद्यालयातील गणित विभागातील सहाय्यक प्राध्यापक डॉ.प्रेमकिरण गोपाल भदाणे यांनी केलेल्या संशोधन प्रकल्पास केंद्र सरकारच्या कॉपीराइट ऑफिस, डिपार्टमेंट ऑफ प्रोमोशन ऑफ इंडस्ट्री इंटरनल ट्रेड, मिनिस्ट्री ऑफ कॉमर्स अँड इंडस्ट्री, बौद्धिक संपदा भवन, नवी दिल्ली यांचेमार्फत कॉपीराइट मंजूर झालेले आहे.

त्यांनी केलेले संशोधन हे शेतकऱ्यांसाठी बहुमोल असे आहे. त्यांच्या संशोधनाचा विषय युज ऑफ मॅथेमॅटिकल टुल मॅट्रिक्स फॉर फार्मर्स एग्रीकल्चर कमोडिटी मार्केट ऑफ बेस्ट प्राईस, या संशोधनाचा परिसरातील शेतकऱ्यांना उपयोग होऊन आपल्या मालाची फायदेशीर किंमत ठरवु शकतात व कोणत्या मार्केटला आपण माल विकला तर अधिक नफा मिळेल याचा अंदाज शेतकऱ्याला होऊ शकतो. 

त्यांनी केलेले संशोधन हे युजिसीचा ध्येय धोरणात्मक सामाजिक बांधीलकी नुसार आहे. प्रा.डॉ.भदाणे यांना केव्हीपी संस्थेचे अध्यक्ष व जिल्हा परिषद अध्यक्ष डॉ.तुषार रंधे, सचिव नानासाहेब निशांत रंधे, खजिनदार मा.आशाताई रंधे, विश्वस्त रोहित रंधे व सर्व विश्वस्त मंडळ, महाविद्यालयाचे प्राचार्य डॉ.एस.एन.पटेल, उपप्राचार्य प्रा.डी.बी.पाटील, उपप्राचार्य डॉ.एम.व्ही. पाटील, आयक्यूएसी समन्वयक डॉ.दिनेश भक्कड तसेच सर्व शिक्षक व शिक्षकेतर कर्मचारी यांनी शुभेच्छा दिल्या.

एसपीडीएम महाविद्यालयाच्या प्राध्यापकांचा विद्यापीठाच्या टीचर ट्रेनिंग प्रोग्राम मध्ये सक्रिय सहभाग

कवयित्री बहिणाबाई चौधरी उत्तर महाराष्ट्र विद्यापीठ जळगाव  तर्फे दि.20 जुलै  ते 31 जुलै 2020 या कालावधीत   ईउत्तमविद्या@केबीसीएनएमयू या समितीमार्फत ऑनलाईन टिचर्स ट्रेनिंग प्रोग्राम  आयोजित करण्यात आला होता . या अंतर्गत ऑनलाईन लर्निंग या विषयावर चार चार दिवसाचे विद्याशाखानिहाय ट्रेनिंग प्रोग्राम घेण्यात आले. त्यामध्ये सर्वप्रथम विज्ञान शाखेसाठी 20 ते 23 जुलै,  24 ते 27 जुलै वाणिज्य, इंजिनीअरिंग, फार्मसी शाखेसाठी  व 28 ते 31 जुलै दरम्यान कला, मानवविज्ञान, शिक्षणशास्त्र, शारीरिकशिक्षण शास्त्र व इतर विज्ञान शाखेसाठी घेण्यात आले.

सर्व प्राध्यापक तसेच सीएचबी प्राध्यापक यांनी सक्रिय सहभाग या कार्यक्रमात नोंदवला.  वाणिज्य शाखेसाठी घेण्यात आलेल्या  सहभागी प्राध्यापकांचे सादरीकरण  या कार्यक्रमात दि.27 जुलै रोजी प्रा.डॉ.दिनेश भक्कड यांनी ऑनलाइन लेक्चर साठी व्हिडिओ कसे तयार करायचे यावर पीपीटी द्वारे सादरीकरण केले. त्यामध्ये पावर सोफ्ट फ्री स्क्रीन रेकॉर्डर या सॉफ्टवेअर बद्दल माहिती दिली. त्यांच्या सादरीकरणासाठी विविध प्राध्यापक व विद्यापीठातर्फे अभिनंदन करण्यात आले.

त्याचप्रमाणे कला शाखेसाठी घेण्यात आलेल्या कार्यक्रमात दि.31 जुलै रोजी प्राध्यापक डॉ.फुला बागुल, डॉ.एन.एस.डोंगरे, डॉ.मनीषा वर्मा तसेच उपप्राचार्य डॉ.एम.व्ही.पाटील यांनी सुद्धा ऑनलाइन टिचिंग बद्दल अनुभव सांगत मनोगत व्यक्त केले. महाविद्यालयातर्फे प्राचार्य डॉ.एस.एन.पटेल, उपप्राचार्य प्रा.डी.बी.पाटील यांनी सर्वांचे कौतुक केले आहे.